Tagoj de akvo

 
Post kanoado proksime de Lago Ontario kun miaj geamikoj hieraŭ, hodiaŭ ni vizitis Letchworth Parkon kaj Watkins Glen Parkon. Multege da akvofalojn mi vidis ĉi tage. La unua foto estas de Letchworth Parko kaj la aliaj (inkludante unu kun mi) de Watkins Glen. La akvo estis la ĉefa elemento de l'semajnfino. Ĝi forlavis multajn el miaj zorgoj kaj timoj kaj fortigis min por l'estonto.

 

 

 

Printempaj sonĝoj

 
Folioj kreskas dumnokte fenestre,
Kaj la arboj ŝajnas brakumi mian ĉambron
Kiam mi dormas.

Miaj sonĝoj fariĝas pli densaj,
Densaj de verda spiro kaj pluvo,
Birdkante densaj de rememoroj el mia infaneco
Kiam mi estis provanta atingi la ĉielon
Kaj karesi ĝian bluan veluron.

La nokto, kiel nigra litkovrilo
Kaŝas la sonĝoj kaj la arbobranĉoj.
Ili ĉiuj kreskas, harmonie, silente,
Vojaĝante foren, al strangaj mondoj.
Ni ĉiuj kreskas en sonĝoj,
Fariĝante landoj, planedoj...

Kiel la arbaj branĉoj,
Niaj sonĝoj kreskas dumnokte,
Kune kun la verda foliaro.

Ĉi nokte, la ĉielo denove atendas min
Ĉiunokte, la ĉielo denove atendas min
Kiel ĝi faris en mia infaneco
Nur paŝo plu restas kaj mi alvenos feliĉa
Ĉe mia destin'.

Iutage, mi vere alvenos...

Altlanda Parko (Highland Park) festo

 
En la Altlanda Parko (angle 'Highland Park') okazis pasintsemajne la festo de lilioj. Multege da lilakoj troviĝas tie kaj la festo komencas kiam ili floras, daŭrante unu semajno.

Plena semajno

Post iom da foresto, mi partoprenis hieraŭ denove karateo trejnadon, kun sakbato por duonhoro je fino. Estis tre bona ekzercado, sed hodiaŭ miaj muskoloj denove doloriĝas (ne gravas, tio signifas ke ili fariĝas pli fortaj). Kiam mi preparis hejmiri radkaŭĉuko rompiĝis kaj mi devis uzi la rezervradon por veturi hejmen. Du tagojn antaŭe mi aĉetis interrete subakviĝan neoprenan kostumon, kiun mi intencas uzi por esplori la Lagon Ontario, sed ankoraŭ ne ricevis konfirmon de ordono. Kaj tri plu libroj en Esperanto alvenis ĉe mi hieraŭ de ELNA (Esperanto Ligo de Norda Ameriko): "Nokto de la galaksia fervojo", "Nova Esperanto krestomatio" kaj "La serĉado de la vivo". Por tempo mi tute ne devus zorgi pri manko da legindaĵoj en Esperanto. Paralele mi ankaŭ devas fini la kalkulojn por la optika sistemo de mia neŭtrona detektoro. Mi vere havas sufiĉe interesan kaj plenan semajnon!

Homa evoluo

 

Iufoje strangaj fenomenoj en scienco povas havi pli simplajn eksplikojn ol ŝajnas unuavide. Denove mi uzis http://www.lujz.org/niquel kiel humorfonto. Kvankam ni alproksimiĝas majfinon, ekstere nur 9 gradoj Celsius estas. Sed mi ŝatas tian veteron...

Tempokapsulo kaj floroj

 

Hodiaŭ mi enterigis plastikan keston kun kelkaj aferoj en ĝi arbare, proksime de mia hejmo. Venontjare, kiam mi elterigos ĝin, mia vivo probable estos ŝanĝanta rapidpaŝe. La kesto promeson de mi enhavas, ankaŭ. Mi kore esperas plenumi ĝin.
Aliloke, la arboj parke ankoraŭ floregas, printempfine. Hodiaŭ mi fotis tiun ĉi belegan bildon:
 

Ventfrapita (Koree "내 여자친구를 소개합니다" ---> "Nae Yeojachingureul Sogaehamnida", angle "Windstruck")

 

Ventfrapita estas korea filmo, verkita kaj direktita de Kwak Jae-yong, kun (denove mi parolas pri ŝi) Jeon Ji-hyun kaj Jang Hyuk kiel ĉefrolantoj. Estas belega amhistorio inter policanino Gyeong-jin (Jeon Ji-hyun) kaj licea fiziko instruisto Myung-woo (Jang Hyuk). Estas tute malkutima historio pri amo, doloro kaj espero. Estas historio pri amo kiu pli fortas ol morto, kiu povas venki ĉiujn malfacilaĵojn. La spektanto estos denove surprizita multajn fojojn spektante la filmon, kaj je la fino demandos sin mem pri la senco de tiu ĉi vivo, pri sia propra rolo sur la mondscenejo. Estas forto en la filmo kiu transiras al spektanto, estas kio faras la korean arton supera al holiudstilaj komercaj filmoj, kiu esperigas min ke la arto ne povas esti englutita de mono. Jeon Ji-hyun kaj Jang Hyuk oferas alian brilan performon de la korea kinejo.










 

Kaj, en aldono, "Ventfrapita" havas ion komunan kun "Mia bizara knabino". La spektanto certe trovos la similaĵon tre facile.

Pino, luno kaj aviadilspuro

La kosmo, la vivo kaj la inteligenco interkonektas en unu sola bildo. Kion montros spegulo reflektante sin mem?

Il Mare (Koree: "Siworae" - "Amhistorio") - amo kaj tempovojaĝo

 
Il Mare estas korea filmo, direktita kaj verkita de Hyun-seung Lee en 2000. Estas rava, subtila, melankolia, magika amhistorio.
La historio komencas fine de 1999, kiam la voĉaktorino Eun-joo (Jun Ji-hyun) foriras el marborda loĝejo nomata "Il Mare" (itala por "La Maro"). Antaŭ sia departo ŝi lasas en la leterkesto Kristnaskan salutkardon kun mesaĝo por la estonta loĝanto resendi venontajn leterojn por ŝi al nova adreso en la urbo. Intertempe, ekzakte du jarojn antaŭe, en 1997, la unua posedanto de Il Mare, arkitekto Sung-hyun (Lee Jung-jae) ricevas la kardon de Eun-joo. Pensante ke estas ŝerco, li respondas al Eun-joo kaj demandas ŝin ne plu ludi kun lia leterkesto, ĉar la "kurenta jaro estas 1997". Sed post iom da tempo ili ambaŭ komprenas ke la du jara diferenco estas ja reala. Ili eĉ alvenas kun novaj uzoj por tiu ĉi nekutima komunikado maniero: Sung-hyun povas trovi portenblan kasedofonon kiun Eun-joo perdis du jarojn antaŭe kaj Eun-joo povas sendi lin ankoraŭ nepublikitan libron far de lia fremdiĝinta patro. Daŭrante korespondi tra tempo, ili decidas renkonti. La renkontiĝo tempo estas nur semajno future por Eun-joo, sed pli ol du jarojn antaŭe por Sung-hyun. Ĉu ili povos renkonti? Ĉu la amo povas travivi kaj venki kiam la geamantoj eĉ ne vivas en la sama tempo? Ĉu oni povas ŝanĝi la pasintecon kaj futuron por esti kune? Jun Ji-hyun kaj Lee Jung-jae oferas brilan aktoradon en tute neholiudstila filmo. Nepre inda spekti.





 
Nur kelkaj vortoj aldonindas: "Il Mare" havas ion komune kun "Mia bizara knabino". Kiu spektos ambaŭ, havos agrablan surprizon.

Praktikaj aplikoj de fiziko (humoro)

Gravito  
Fernando Gonsales estas la kreanto de Níquel Náusea, fama rolanto de bildstrioj. La ĉisupra bildo estas traduko en Esperanto far Luiz Portella. Iliaj tradukoj povas esti trovataj sur http://www.lujz.org/niquel kaj la originalaĵoj en la portugala far Fernando Gonsales je http://www.terra.com.br/niquel.

Mia bizara knabino (엽기적인그녀 ---> "Yeopgijeogin geunyeo" koree, "My Sassy Girl" angle)

 
"Mia bizara knabino" estas korea filmo direktita de Jae-young Kwak en 2001, bazita sur reala amhistorio afiŝita interrete de Ho-sik Kim kiu rakontas sian rilaton kun lia amatino. Estas bona komedio sed ankaŭ tre bela amhistorio, kiu surprizigos la spektanton ĉiuj 10 minutoj... La ĉefaj rolantoj estas Tae-hyun Cha (la junulo) kaj Ji-hyun Jun (la junulino). Mi ne priskribos la fotojn ĉar ne deziras malkaŝi la historion, sed preparu esti surprizita se vi spektos la filmon! Estonte mi parolos plu pri la aktorino Ji-hyun Jun.

 

 

 

 

 

Bordoj

 
Rigardante la akvon
Mia menso komencas flui
Akompanante la ondojn.
Birdfluge mi dezirus malaperi,
Perdiĝi en la fluanta movado
De l'likvida mondo.

Gutoj de tempo
Miksitaj kun akvo
Fluas senĉese tra mia kor'
Ili jam skulptis tunelojn
En mia korpo kaj menso.

Baldaŭ mi ankaŭ dissolvos
En akvo kaj tempo,
Senfinspace tuŝonte
Ĉiujn bordojn.

Pri mi, plu

Laboratorie 
Pasintmonate mi fariĝis 32-jara. Rigardinte mian pasintan vivon mi vidas iujn realigojn sed ankaŭ sufiĉe da malsukcesojn. Alveninte en 1999 en Usono por mia doktoreco pri fiziko, mi ankoraŭ ne sukcesis finigi mian sciencan projekton. Pasinjare la aferoj komencis ja iri pli glate, sed, se mi ne strebas sufiĉe, mi ne estos preta nek en 2006. Hieraŭ iuj el miaj klaskolegoj ja obtenis iliajn doktorecajn diplomojn, aliaj ankoraŭ ne. Sed vidinte la doktoriĝan ceremonion tamen ne sentigis min tre bone. Mi ne sentis envion, sed honton ke mi ne plu bonis. Mi kutimis vagadi en miaj ideoj pri pli bona mondo, sed vere faris nenion por plibonigi ĝin. Mi vidis la landon kie mi vivas nun (Usono) atakinte aliajn landojn, malrespektinte la homajn rajtojn kaj aplikinte “duoblajn standardojn” en sia ekstera politiko. Sed mi komencis laciĝi kritiki ĝin. Mia kritiko tute ne helpis. Mi scipovas 6 lingvojn, praktikas tajĝiĉŭanon kaj karateon, havas dufiĉe da konojn pri multaj aferoj, sed ja estas unu sola maniero en kiu mi povas esti karakterizata en tiu ĉi mondo profesie: kiel fizikisto. Mia scienca esploro konektas kun la nuklea fuzio kiel nepolucia energisurso. Se iutage ĝi realos, la nuntempa poluciado povos malaperi kaj ĉiuj homoj disponeblos malmultekostan elektron. Kaj nun finiginte mian doktorecon mi vere povos helpi tiun ĉi mondon plibonigi. Nur per miaj fakaj konoj mi povas konstrui kie la politikistoj kaj monoaviduloj ŝtelas kaj detruas. Se mi ne strebas sufiĉe por fini mian parton de laboro, mi ne rajtas postuli nenion de aliaj.
Future mi skribos plu pli pri mia laboro.

Meditado

Sub la ĉerizfloroj mi meditadis... Ni ĉiuj ja estas unuo kun la Universo. La "egoo" estas iluzio, kiel ankaŭ la mondo en kiu ni vivas iluzias. Per meditado, oni povas ektrovi la veran realon kaj alproksimiĝi iluminiĝon. Sed tio ne estas facila tasko.

Ĉerizarboj printempe

La ĉerizarboj malkovritaj de mi hieraŭ lagborde estis vere impresiigaj. Ne nur en Japanio la printempo belas. Kiel mi jam diris antaŭe, ni nur bezonas ĉirkaŭrigardi pli atenteme.

Nokto de la galaksia fervojo

Nokto de la Galaksia Fervojo (銀河鉄道の夜 - Ginga Tetsudou no Yoru) estas animacia filmo de GISABURO Sugii, kreita en 1985, bazita far rakonto de MIYAZAWA Kenji skribita en 1927. La originala rakonto estis ja tradukita en Esperanto de KONISI Gaku: http://www2u.biglobe.ne.jp/~kleg/tosyo/kobetu/galaksia.htm

En la filmo, la skribita lingvo de la kata urbeto kaj de ĉiuj vizititaj mondoj estas Esperanto (kiel oni povas vidi supren).

Giovanni, la blua kato, vojaĝas tra fantazia spacmondo per mistera trajno,

kune kun aliaj amikoj,

spektante mirindajn vidindaĵojn,

iuj sufiĉe malsimilaj kun la Tero,

...aliaj sufiĉe teraj.

Sed, ĉar mi ne deziras malkaŝi la historion...

...mi ne plu detaligos la sekvantajn fotojn...

Kion mi povas diri estas ke la filmo estas tre interesa,

certe inda spekti.

La prezentado de la filmo estas japana/Esperanta. La parolado estas tute japana kaj ĉiuj skribaĵoj estas en Esperanto. Probable ke Gisaburo deziris doni pli da universalecon al la rakonto per uzo de la Internacia Lingvo.
En aldono, ŝajnas ke iuj el miaj leganoj ne povis vidi la bildojn de la filmo. Ĉi semajne, la programo "Hello", kiun mi uzis por alŝuti fotojn, ne funkciis, kaj mi ligis la bildojn al retpaĝo senpage kreita de mi hieraŭ, ne havinte alian solucion. Mi religis poste la bildojn al alia retpaĝo kreita de mi, esperante ke nun ĉio bonordos.

Spegulo de Atera spegulo

Respegulinte la spegulon, ni vidas la saman viziton, sed nun la kastelo plu sudas kaj dezertstormo alproksimiĝas. Kiu ja devus esti la realo? Jen la planedo samas... Ni povas imagi paralelajn realojn kie la sama historio okazas diferente.

 

Bendis spegule

Post natura beleco, jen ion imagina. En mia imaga mondo, Bendis (Ater en la lingvo de l'loĝantaro) estas planedo pli bela ol Tero. Ĝi estas iel spegulo de nia mondo, sed ankaŭ sufiĉe difera. En mia sciencfikcia romano kiun mi planas verki, estos ekspedicio kiu vizitos la planedon. Jen tie ĉi teranoj vizitante kastelon de sur la kontinento Athena, kiun la ateranoj nomas Olgar. "Estor, en siaj goldecaj vestaĵoj estis rigardanta la teraj veturiloj surteriĝante antaŭ la kastelo. La tempesto estis proksime, preparante frapi ĉion ĉirkaŭe. Estis eta kastelo, for de la ĉefaj krucvojoj, kaŝita en la kruta montaro." Mi kreis la pejzaĝon pere de Vue d'Esprit.
Do, se mi diris "Bendis spegule", tio siginifas ke ni rigardas spegulon de Bendis, kiu spegulas Teron. Sed kio montros spegulo spegulante spegulon?

Beleco

Beleco 
Beleco ĉirkaŭrondas nin. Tre ofte, nevidebla, ĝi vivas apud ni kaj ni tute ne rimarkas, pensante pri mono, dezirantaj objektoj aŭ laboraj problemoj. Tiuj ĉi floretoj (leganto donis min la anglan,latinan kaj Esperantan nomon: Daisy Fleabane (Erigeron annuus), aŭ Esperante "erigerono", kiu ja devas esti la ĝusta nomo) vivis paŝejrande kaj preskaŭ neniu rimarkis ilin. Sed jen kiel bela ilia mondo povas esti. Mi fotis ilin posttagmeze, ridantajn sunlume. Mi pasis ilin denove dumnokte, ĉiuj estis jam fermitaj, dormante profunde kaj sonĝante pri la sekvanta tago. Bedaŭrinde, la 21-a jarcenta okcidenta homo komencas esti pli maŝino ol persono... ĉar li vivas en socio kie oni havas tro da ĉion materialan, sed nesufiĉe da beleco por montrigi...

Subtitoloj en Esperanto de "La loĝanto" ( "빈집" -> "Bin-Jip", "3-iron")

La loĝanto 
Mi ĵus spektis la 2004-an korean filmon "La loĝanto" (angle "3-Iron", france "Le Locataire", "빈집" -> "Bin-Jip", koree). La reĝisoro Kim Ki-Duk kreis belegan artaĵon. La blogo de Festo 2005, Amo ĉiam ja menciis ĝin. Mi decidis krei Esperantajn subtitolojn el la anglajn trovitajn. Post 3 hora laborado, jen kio rezultis:
3-Iron.eo.srt
Ĉar mi ne povis vidi la unikodon, mi decidis lasi la subtitolojn en "ch,sh,jh,gh" formato. Oni povas libere elŝuti kaj uzi la dosieron. Oni ja povas vidi iun ajn videodosieron kun subtitoloj per BS Player. Kaj, se vi trovas erarojn kaj faras plibonigon (ambaŭ tre eblas), bonvolu, anoncu min, ĉar mi ankaŭ deziras havi pli bonan version. Bonan spektadon!

Kristo releviĝis!

 
Por la ortodoksaj kristanoj, Kristo releviĝis ĉitage. Mi ĉeestis la eklezian religiservon, tre bela, kvankam ne multaj homoj atendis ĝisfine. Hodiaŭ mi fartis speciale, kaj provis havi specialan tagon. Beltempis enkore kaj ĉirkaŭmonde... Klasikhabite, mi fastis sep semajnojn, ne manĝante ion ajn kio venas de animalo, kaj speciale lastvendrede mi ne manĝis aŭ trinkis nenion por 24 horojn. Kiel sana rimedo, mi rekomendas faston al ĉiu kiu estas tro dika aŭ havas la senton ke la vivo ne vivindas aŭ ĝojindas... Estas multe pli facila ol ŝainas... La Okcidento vivas en mondo kie oni havas TRO multe da ĉion... Eble ni lernu esti pli ŝparemaj...

 
En la rumana eklezieto el Usono ĉio estis tre paca lastnokte. Paca kaj esperplena por pli bona estonto... Hristos a înviat!