Jan 23, 2006

Atentu al ursoj


Posted by Picasa
Pasintsemajne mi vizits la lokan zoologian ĝardenon. Spite de la malvarmo, ĉiuj animaloj disponeblis, nur la blanka urso (Thalarctos maritimus) ne videblis. Probable ĝi estis en ferio aliloke. La sola urso kiun mi trovis estis tiu el la foto, kaj probable ke se vera urso aperintus malantaŭ mi, tia estintus mia sincera reago. Mi nur timas ke sufiĉe baldaŭ, kun la rapideco de la naturdetruado far Homo sapiens, ni vidos la blankajn ursojn nur kiel en la ĉi supra foto...
Jen mi rememoris ke mi havis alian similan renkontiĝon kun bruna "urso" kiam mi estis multe pli juna. Ŝajnis pli paca ol la pasintsemajna...

Posted by Picasa

Jan 16, 2006

Ekzistas montoj kaŝitaj en ĉielo


Posted by Picasa
Ekzistas montoj kaŝitaj en trezoroj. Ekzistas montoj kaŝitaj en marĉoj. Ekzistas montoj kaŝitaj en ĉielo. Ekzistas montoj kaŝitaj en kaŝinteco. Tiu ĉi estas la tutkompreno.
Antikva budhao diris, "Montoj estas montoj, akvoj estas akvoj." Tiuj ĉi paroloj ne signifas ke montoj estas montoj; ili signifas ke montoj estas montoj.
Tial esploru la montojn profunde. Kiam vi esploras la montojn profunde, tiu ĉi estas la laboro de l'montoj.
Tiaj montoj kaj akvoj mem fariĝas kleraj personoj kaj saĝuloj.

La ĉi supra citaĵo estas belega fragmento el "Ŝobogenzo", verkita de la granda japana Zeno majstro Dōgen Zenji (1200-1253). Li ankaŭ diris: Se vi trovas unu aferon laciga, vi trovos ĉiujn aferojn lacigaj.
Pasintsemajne mi vidis montojn kaŝitajn en ĉielo, kiel en la ĉi supra foto, kaj rememoris la vortojn de Dogen. La realeco estas ja difera de kiel ni perceptas nian iluzian mondon.

Jan 9, 2006

Burkhard Heim kaj la antigravito


Burkhard Heim Posted by Picasa
Leginte tiun ĉi artikolon min surprizegis la vera ebleco voiaĝi stelen kun superluma rapideco per forta rotacia magneta kampo. Mi parolos plu pri Burkhard Heim (1925-2001), la kreinto de la "Heima Kuanta Teorio" post kiam mi havos iom da tempo legi liajn artikolojn. La esperanta traduko de liaj ideoj povas esti legata sur ĉi tiu paĝo. Ĉar li estis handikapigita en akcidento kie li perdis la manojn la vidkapablo kaj 90% de sia aŭdkapablo, li aperigis malmultajn sciencajn verkojn kaj estis malmulte konata en la sciencaj cirkloj. Sed lastatempe aliaj fizikistoj provis liajn ekvaciojn kaj trovis ke la Heima Universo modelo rimarkinde ekzakte kalkulas la masojn de elementaj partikloj. Nun, post lia morto, lia teorio de uniiĝinta kvanta kampo komencas esti pli serioze rigardata.
Oni kredas ke, uzante rotacian magnetan kampon, vojaĝo al Marso daŭrus 3 horoj kaj al stelo 11-lumjarojn fora 80 tagojn. Ankaŭ, ĉar la spacŝipo vojaĝus en paralela spaco per antigravita forto, ĝi ne bezonus karburaĵon. La teorio postulas 25 Tesla magneta kampo por levi 150 tunojn de sur la tera surfaco... Mi devas legi plu por konvinki min pri la realeco de tia teorio, sed se ĝi pruvas vera, brila estonto atendas la spacvojaĝantojn!

Jan 4, 2006

Nudigita (angle: Stripped) far Rammstein


Posted by Picasa
Mi malkovris tiun ĉi videon en mia hejma kolekto dum la vespero de la 31-a de decembro. Estas tute rimarkinda melodio kaj filmeto pri olimpika spirito far la rimarkinda germana rokgrupo Rammstein. Beĉjo jam parolis pri ili ĉi tie.

Posted by Picasa
Mi demandas min nun se la olda olimpika spirito plu vivas. La ideo esti pli bona, pli forta kaj pli lerta ŝajnas esti anstataŭita de la avideco por mono.

Posted by Picasa
Sed, kiu scias, eble iutage niaj spiritoj denove celos ĉielen flugante kiel birdoj en mondo paca kaj serena. Nur de ni mem dependas havi tian estonton.
Morten Svendsen rimarkis ke la bildoj estas el la filmo "Olympia" kreita en 1938 de Leni Riefenstahl.