Alia grava interna luktarto de Ĉinio, krom Tajĝiĉuano kaj Xing Yi [Sing Ij], estas Baguazhang [Bagŭaĝano]. La nomo signifas "la palmo de ok trigramoj". Ĝi estis kreita komence de la 19-a jarcento kaj estas bazita sur la antikva ĉina filozofio pri la ok trigramoj (Bagua). La movoj estas karakterizataj per cirklaj paŝoj kaj oni atakas per palmoj, neniam per pugnoj. La stilo fariĝis tiel fama pro sia batalefiko ke post 1870 la gardistoj de la ĉina imperiestro estis ĉiuj spertuloj en Bagua. La belan knabinan foton mi prenis de sur http://kungfu.ning.com/
Sun Zhijun [Sun Ĝiĝun] estas fama maestro de Bagua, Cheng stilo kaj pruvas en la filmeto ke havinte la aĝon de 80 jaroj tute ne signifas esti maljuna!
No comments:
Post a Comment